Almaniyanın “Ersgebirge” komandası yoxlama oyununda qüvvəsini sınayıb. Corner.az xəbər verir ki, Azərbaycan millisinin yarımmüdafiəçisi Dmitri Nazarovun formasını geyindiyi 3-cü Bundesliqa təmsilçisi Almaniyanın digər klubu “Nürnberq”lə üz-üzə gəlib.
Aue təmsilçisi bu oyundan 3:3 hesablı heç-heçə ilə ayrılıb. Nazarov da bu görüşün iştirakçısı olub. O, 46-cı dəqiqədə meydana buraxılıb. Matçda son nöqtəni də məhz Dmitri qoyub. 32 yaşlı yarımmüdafiəçi 85-ci dəqiqədə vurduğu qolla komandasını məğlubiyyətdən xilas edib.
