“Bavariya”nın hücumçusu Tomas Müller yeni rekorda imza atıb. Corner.az xəbər verir ki, 33 yaşlı futbolçu Almaniya Kubokunda ən çox qalibiyyət əldə edən oyunçu ünvanına yiyələnib.
Müller ölkə kubokunda 53-cü dəfə meydanı qələbə ilə tərk edib və “Verder”in sabiq yarımmüdafiəçisi Mirko Votavanın rekordunu yeniləyib.
Müller oyun sayında isə rekordu təkrarlayıb. O, 63-cü dəfə Almaniya Kuboku görüşündə iştirak etməklə Zepp Mayerə çatıb.
Qeyd edək ki, “Bavariya” Almaniya Kubokunun 1/8 final mərhələsində “Maynts”ı 4:0 hesabı ilə məğlub edib.
