Bir müddət əvvəl “Qarabağ”ın transfer gündəmində olan qapıçı Andrey Lunyov Almaniyanın “Bayer” klubunda UEFA Avropa Liqasının iştirak ərizəsindən çıxarılıb.Corner.az xəbər verir ki, buna səbəb rusiyalı qolkiperin zədədən əziyyət çəkməsidir.
Belindən zədə alan 32 yaşlı oyunçunun nə zaman sağalacağı bəlli olmadığından, Bundesliqa təmsilçisi avrokuboklarda onun xidmətindən yararlanmaqdan imtina edib. “Bayer” Avropa Liqasının 1/8 final mərhələsində Macarıstanın “Ferentsvaroş” klubu ilə qarşılaşacaq. Oyunlar martın 9-da və 16-da keçiriləcək.
Qeyd edək ki, Andrey Lunyovun yanvarda “Qarabağ”a transferinin baş tutmamasının səbəblərindən biri qolkiperin tez-tez zədələnməsi olub.
