Tomas Müller “Bavariya”da yeni rekorda imza atıb. Corner.az xəbər verir ki, 33 yaşlı futbolçu buna “Frayburq”la Almaniya Kubokunun 1/4 final oyununda start heyətində meydana çıxması ilə nail olub.
Alman oyunçu Münhen klubunun heyətində 64-cü kubok görüşündə iştirak edib. O, Sepp Mayerin 63 oyunluq rekordunu yeniləyib. Almaniya Kubokunda Gerd Müller 62, Frans Bekkenbauer 61, Oliver Kan və Hans-Corc Şvartsenbek isə 59 qarşılaşmada meydana çıxıb.
Qeyd edək ki, Tomas Müllerin karyerası tamamilə “Bavariya” ilə bağlıdı. O, 2008-ci ildən əsas komandanın formasını geyinir.
