“Şalke”nin ikinci komandasında çıxış edən azərbaycanlı futbolçu Rüfət Dadaşovun durumuna aydınlıq gəlib. Corner.az xəbər verir ki, Almaniyanın Qərb Regional Liqasının XXVI turunda “Düsseldorf”a 0:2 hesabı ilə uduzduqları oyunda 32 yaşlı hücumçu ayağından zədə alıb.
Tibbi müayinənin ardından Gelzenkirxen klubunun həkimləri millimizin forvardının topuğuna tikiş qoyublar. Bu səbəbdən o, “Ahlen”lə (3:1) dünənki matçı buraxmalı olub. Dadaşovun sıraya nə zaman dönəcəyi hələlik məlum deyil.
Qeyd edək ki, “Şalke”nin ikinci komandası hazırda 42 xalla turnir cədvəlinin 9-cu pilləsində qərarlaşıb
