Azərbaycan millisinin yarımmüdafiəçisi Dmitri Nazarov klubu “Erzgebirge”də qalmaqalla gündəmə gəlib. Corner.az xəbər verir ki, 33 yaşlı futbolçu Bundesliqa III-ün 32-ci turunda “Veri” ilə oyunda azarkeşlərlə mübahisə edib.
Komandanın son turlardakı uğursuz çıxışı yerli fanatların qəzəbinə səbəb olub. Nazarov “Veri” ilə görüşün 79-cu dəqiqəsində komandası hesabda 1:3 geridə olarkən əvəzlənib. O, həmin an yaxın tribunadakı fanatlar tərəfindən fitə basılıb. Buna əsəbləşən Nazarov onlarla mübahisəyə başlayıb.
Qeyd edək ki, oyun “Aue”nin 2:3 hesablı məğlubiyyəti ilə yekunlaşıb. Komanda hazırda 39 xalla 11-ci yerdə qərarlaşıb.
