Dortmund “Borussiya”sı Almaniya Bundesliqasının XXIX turunda “Ayntraxt”ı evdə 4:0 hesabı ilə məğlub edib. Corner.az xəbər verir ki, sözügedən görüş meydan sahiblərinin müdafiəçisi Mats Hummels üçün əlamətdar olub.
Qarşılaşmada 3-cü qola imza atan 34 yaşlı oyunçu ardıcıl 15-ci mövsüm Bundesliqada fərqlənməyi bacarıb. O, çempionatda bunu bacaran 7-ci oyunçu olub.
Hummels növbəti mövsüm də qol vura bilsə, rekordu təkrarlayacaq. Çünki rekord 1984-2000-ci illərdə ardıcıl 16 mövsüm rəqib qapılarına yol tapmağı bacaran Olaf Tona məxsusdu.
Qeyd edək ki, “Borussiya” hazırda 60 xalla Bundesliqaya başçılıq edir.
