Futbol üzrə Almaniyanın Qərb Regional Liqasında 34-cü turun oyunları keçirilib. Corner.az xəbər verir ki, Azərbaycan yığmasının hücumçusu Rüfət Dadaşovun formasını geyindiyi “Şalke” klubunun ikinci komandası da növbəti matçına çıxıb.
Sözügedən kollektiv doğma meydanda Mönhenqladbax “Borussiya”sının ikinci komandasını qəbul edib. Futbolçumuzun komandası məhsuldar keçən bu oyundan heç-heçə ilə ayrılıb - 5:5.
Rüfət də bu görüşün iştirakçısı olub. O, start heyətdə meydana çıxıb və sonadək oynayıb. Komandasının ikinci qoluna da 23-cü dəqiqədə penaltidən dəqiq yararlanan məhz Dadaşov imza atıb.
“Şalke”nin ikinci komandası hazırda 49 xalla 18 kollektiv arasında 9-cu pillədə qərarlaşıb.
