Futbol üzrə Almaniya 3-cü liqasında 36-cı turun oyunları keçirilib. Corner.az xəbər verir ki, Azərbaycan millisinin yarımmüdafiəçisi Dmitri Nazarovun formasını geyindiyi “Ersgebirge” də növbəti matçına çıxıb.
Sözügedən kollektiv evdə Dortmund “Borussiya”sının ikinci komandası ilə üz-üzə gəlib. Məhsuldar keçən bu matçda futbolçumuzun komandası heç-heçə ilə ayrılıb - 3:3.
Nazarov da bu matçın iştirakçısı olub. O, start heyətdə meydana çıxıb və 31-ci dəqiqədə əvəzlənib.
“Ersgebirge” hazırda 44 xalla 20 kollektiv arasında 13-cü pillədə qərarlaşıb.
