Borussiya darmadağınla zirvədə!

Almaniya Bundesliqasında 33-cü tura yekun vurulub. Corner.az xəbər verir ki, bu gün daha 3 görüş baş tutub.

“Maynts” “Ştutqart”la ev oyununda böyük hesabla uduzub. Dörd qolluq “Bayer” - “Borussiya” (Mönhenqladbax) matçında qalib müəyyənləşməyib.

Dortmund “Borussiya”sı isə səfərdə “Auqsburq”un qonağı olub və darmadağınla qalib gələrək sona bir tur qalmış zirvəni ələ keçirib.

Hazırda Dortmund təmsilçisi 70 xalla vahid liderdir. Bir gün öncə məğlub olaraq çempionluq şansını demək olar ki, itirən “Bavariya” isə 68 xalla ikinci pillədə qərarlaşıb. 63 xalı olan “Leypsiq” üçüncüdür. “Union Berlin” və “Frayburq”un 59, “Bayer”in 50 xalı var.

Almaniya Bundesliqası
33-cü tur
19 may

Frayburq – Volfsburq 2:0
Qol: Günter, 71. Petersen, 75.

20 may

Herta – Bohum 1:1
Qol: Tuzar, 63 – Şlotterbek, 90+4.

Hoffenhaym – Union Berlin 4:2
Qol: Bebu, 22. Kramariç, 36-pen; 90. Dabbur, 90+9 – Doexi, 45+4. Layduni, 90+5.

Şalke – Ayntraxt 2:2
Qol: Terodde, 1. Polter, 85 – Kamada, 21. Tuta, 59.

Verder – Köln 1:1
Qol: Şmid, 73 – Tigges, 36.

Bavariya – Leypsiq 1:3
Qol: Qnabri, 25 – Laymer, 65. Nkunku, 76. Soboslai, 86-pen.

21 may

Maynts – Ştutqart 1:4
Qol: İnqvartsen, 23 – Endo, 41. Jirassi, 63. Fuhrix, 78. Kulibali, 90+1.

Auqsburq – Borussiya (Dortmund) 0:3
Qol: Haller, 58; 84. Brandt, 90+3.

Bayer – Borussiya (Mönhenqladbax) 2:2
Qol: Adli, 15. Demirbay, 20 – Hofmann, 58. Ştindl, 90