Harri Keyn üçün əlamətdar oyun

Almaniya Bundesliqasının XV turunda “Ştutqart”la keçirilən ev oyunu “Bavariya”nın hücumçusu Harri Keyn üçün əlamətdar olub.

90deqiqe.az xəbər verir ki, ingils forvard komandasının 3:0 hesabı ilə qalib gəldiyi görüşdə yeni rekorda imza atıb.

Qarşılaşmada dubla imza atan 30 yaşlı oyunçu Bundesliqada qolların sayını 20-yə yüksəldib. Bunun üçün ona 14 görüş kifayət edib. Keyn çempionat tarixində 20 qola ən tez çatan oyunçu olub.

Daha əvvəl Uve Zeeler (“Hamburq”) 21, Erlinq Haland (“Borussiya”, Dortmund) 22 oyunda bunu bacarıb.

Qeyd edək ki, Harri Keyn bu mövsüm bütün turnirlərdə 22 qol, 8 məhsuldar ötürmə ilə diqqət çəkib.