Elif rəsmən Bundesliqa klubunda – FOTO

İtaliyanın “Napoli” klubunun oyunçusu Elif Elmasın Almaniyanın “Leyptsiq” klubuna keçidi rəsmiləşib.

90deqiqe.az xəbər verir ki, 25 milyon avro qarşılığında neapollulardan transfer edilən 24 yaşlı futbolçu ilə 4,5 illik müqavilə imzalanıb. Elmas yeni klubunda altı nömrəli formanı geyinəcək.

Klubun mətbuat xidmətinə danışan makedoniyalı oyunçu arzusunun gerçəkləşdiyini bildiirb.

“Bundesliqada çıxış etmək və “Leyptsiq”də oynamaq mənim üçün mütləq arzudur. Klub xüsusi bir taktika ilə oynayır: tez-tez əks-hücumlar, sürətli temp və əla hücum gücü – bu mənim oyun stilimə də çox uyğun gəlir.Komanda özünü Bundesliqada mütləq top-klub kimi təsdiqlədi və çox qısa müddətdə Avropanın məşhur klubuna çevrildi”

Elif bu mövsüm neapolluların heyətində bütün turnirlərdə 16 oyuna çıxıb, 2 qol vurub.