Keyn Levandovskiyə çatdı

Almaniyanın "Bavariya" klubunun futbolçusu Harri Keyn polşalı forvard Robert Levandovskinin rekordunu təkrarlayıb.

90deqiqe.az-ın məlumatına görə, 30 yaşlı hücumçu buna doğma meydanda "Hoffenhaym"ı 3:0 hesabı ilə məğlub etdikləri Bundesliqanın XVII tur matçında nail olub,

Komandasının üçüncü qoluna imza atan ingilis forvard cari mövsüm çempionatda qolların sayını 22-ə çatdırıb.

Beləliklə, 30 yaşlı Bundesliqanın ilk yarısında vurulan qolların sayına görə 35 yaşlı Levandovskiyə çatıb.

Qetd edək ki, mövsümün əvvəlində Münhen təmsilçisinə keçən Keyn, 23 matçda iştirak edib, 26 qol vurub və 8 məhsuldar ötürmə edib.

Hazırda İspaniyada "Barselona"da çıxış edən və 2014-2022-ci illərdə "Bavariya"nın formasını geyinən Levandovski 2021-22-ci ildə Münhen klubunda ümummilikdə 46 matçda iştirak edib, 50 qol vurub və 7 məhsuldar ötürmə edib.