Sanedən Bundesliqada rekord

Bundesliqanın 17-ci turunun matçında "Bavariya" evdə "Hoffenhaym"ı məğlub edib, Münhenlilərin hücumçusu Leroy Sane bu oyunda iki məhsuldar ötürmə verib.

90deqiqe.az-ın məlumatına görə, bununla da, alman futbolçu Bundesliqa çempionatında 10 məhsuldar ötürmə edib. Bu, ilk 5 liqadakı ən yaxşı nəticə və Sanenin Bundesliqadakı şəxsi rekordudur.

28 yaşlı vinger 2020-ci ilin yayından “Bavariya”da çıxış edir. Onun müqaviləsi 2025-ci ilin yayında başa çatır. Bu mövsüm Sane bütün turnirlərdə 25 oyun keçirib, 9 qol vurub və 11 məhsuldar ötürmə edib. Transfermarkt portalı almaniyalıya 80 milyon avro qiymət qoyub.