"Bavariya" onu itirdi?

"Bavariya"nın müdafiəçisi Matthijs de Liqt komandanın məşqi zamanı sıradan çıxıb.

90deqiqe.az xəbər verir ki, hollandiyalı Portuqaliyanın Faro şəhərində təlim-məşq toplanışı zamanı sol dizindən zədə alıb.

Bu, "Bavariya"nın tibb şöbəsinin yerində apardığı MRT müayinəsi nəticəsində məlum olub. 24 yaşlı oyunçu bu səbədən məşqi yarıda buraxmaq məcburiyyətində qalıb.

De Ligt 2022-ci ilin yayında "Yuventus"dan 67 milyon avroya "Bavariya"ya keçib.Bu mövsüm müdafiəçi bütün turnirlərdə 12 oyun keçirib və bir qol vurub. Futbolçunun Münhen klubu ilə müqaviləsi 2027-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 65 milyon avrodur.