Roys "Borussiya"nı tərk edə bilər

Dortmund "Borussiya"sının yarımmüdafiəçisi Marko Roys komandanı tərk edə bilər.

90deqiqe.az xəbər verir ki,  Dortmund təmsilçisinin kapitanının müqaviləsi bu mövsümün sonunda başa çatır, lakin tərəflərin yeni müqavilə imzalaması çətin görünür.

Reusun 2009-2012-ci illərdə çıxış etdiyi "Borussiya Mönxenqladbax"a qayıdacağı gözlənilir. Keçidin baş tutması üçün alman futbolçu maliyyə cəhətdən güzəştə getməli olacaq.

Xatırladaq ki, Reus 2012-ci ildən "Borussiya"da çıxış edir. Bu müddət ərzində o, bütün turnirlərdə 410 matçda iştirak edib, 167 qol vurub, 124 məhsuldar ötürmə edib. Transfermarkt portalında verilən məlumata görə, futbolçunun bazar dəyəri 7 milyon avrodur.