Bundesliqa klubundan "Spartak"ın forvardı ilə bağlı açıqlama

"Volfsburq"un idman direktoru Marsel Şefer Moskva "Spartak"ının hücumçusu Teo Bonqonda ilə maraqlanmaları ilə bağlı yayılan iddialara münasibət bildirib.

90deqiqe.az xəbər verir ki, o, belə br planlarının olmadığını bildirib.

"Biz Bonqondanın namizədliyini yayda "Spartak"a keçməzdən əvvəl müzakirə etmişdik, indi belə bir planımız yoxdu" - deyə, Bundesliqa təmsilçisinin direktoru söyləyib.

Xatırladaq ki, Teo Bonqondanın bir neçə Avropa klubları ilə yanaşı “Volfsburq”un da hədəfində idi .

28 yaşlı vinger 2023-cü ilin yayından "Spartak"da oynayır. Futbolçunun klubla müqaviləsi 2027-ci ilin iyunun sonuna kimidir. Transfermarkt portalının məlumatına görə, hazırda futbolçunun transfer dəyəri 5 milyon avro qiymətləndirilir.Bu mövsüm 28 yaşlı Teo Bonqonda "Spartak"ın heyətində bütün turnirlərdə 22 oyun keçirib və 5 qol vurub.