"Bavariya"da ciddi itki

"Bavariya"nın müdafiəçisi Dayot Upamekano  sıradan çıxıb.

90deqiqe.az xəbər verir ki, fransız futbolçu Bundesliqada "Union"la matçın (1:0) ilk hissənin sonunda sol budunun arxa nahiyəsindən zədələnib. Fasiləyə qədər oyunu bitirə bilsə də, matçın ikinci hissəsində Upamekano yeni transfer Erik Dierlə məcburi əvəzlənib.

Futbolçunun zədəsinin son durumu bu günkü tibbi müayinədən sonra bəlli olacaq.

25 yaşlı futbolçunun Münhen klubu müqaviləsi 2026-cı ilin yayına qədər nəzərdə tutulub.Upamekano Bundesliqa nəhəngi ilə bütün turnirlərdə 22 oyunda iştirak edib, 1 qol vurub.