- Almaniya B.L.
- 22:26 06.09.2024
"Liverpul"un və "Bavariya"nın keçmiş futbolçusu Dietmar Hamann "Bayer"in baş məşqçisi Xabi Alonsonun gələcəyi ilə bağlı fikirlərini bölüşüb.
90deqiqe.az xəbər verir ki, 50 yaşlı veteran futbolçu hesab edir ki, Alonso Mersisayd klubunda Yurgen Kloppun əvəzlənməsi təklifi ilə razılaşa bilər.
“Bir futbol romantiki olaraq, onun Leverkuzendə daha bir il keçirməsini istərdim. Amma düşünürəm ki, “Liverpul” zəng etsə, ondan imtina etmək çox çətin olacaq. Söhbət Kloppun davamlılığından getsə belə. İş ondadır ki, bəzən böyük klublar yalnız bir dəfə zəng vurur. Düşünürəm ki, “Liverpul” təklif göndərsə, Xabi razılaşacaq”, – deyə Daily Mail Hamann-dan sitat gətirir.
Xatırladaq ki, yanvarın 26-da Yurgen Klopp bu mövsümün sonunda "Liverpul"u tərk edəcəyini açıqlamışdı. Mətbuat Mersisayd klubunun sükanı arxasında alman mütəxəssisin yerinə Xabi Alonsonu əsas namizədlərdən biri adlandırıb. İspan 2022-ci ildən "Bayer Leverkuzen"i çalışdırır.