“Bayer"ə məğlubiyyətinin məsuliyyətini öz üzərinə götürdü

"Bavariya"nın baş məşqçisi Tomas Tuxel Bundesliqanın 21-ci turunda "Bayer"ə məğlubiyyətlə bağlı fikirlərini bölüşüb. (0:3)

90deqiqe.Az xəbər verir ki, alman çalışdırıcı səhv taktiki qərarların məsuliyyətini öz üzərinə götürüb..

“Bayer"lə oyunda taktiki yanaşmamıza görə məsuliyyət daşıyıram. Hazırlaşmaq üçün tam bir həftəmiz var idi və mənim işim ideyalar irəli sürmək və oyunçularımı bunun düzgün yanaşma olduğuna inandırmaq idi. Təəssüf ki, bu gün o qədər də yaxşı alınmadı - bu mənim məşqçilik karyeramda ilk dəfə deyil, sonuncu da deyil. Biz bir həftə yaxşı hazırlaşdıq və özümüzdən çox şey gözləyirdik, amma sonda evə əliboş qayıdırıq”

"Bavariya" üzərində qələbədən sonra "Bayer" Almaniya Bundesliqasının turnir cədvəlində liderliyini möhkəmləndirib. Xabi Alonsonun komandasının 55 xalı var. İkinci yerdə 50 xalla “Bavariya” qərarlaşıb.