“Napoli”dən ayrıldım, çünki..." - Elmas

"Leypsiq"də çıxış edən "Napoli"nin keçmiş hücumameyilli yarımmüdafiəçisi Elif Elmas Almaniya klubunu seçməsinin səbəbini açıqlayıb.

90deqiqe.Az xəbər verir ki, makedoniyalı futbolçu bunu belə izah edib.

“Mən Neapolu niyə tərk etdim? Çünki gənclərlə çox çalışan, gələcəyə baxan, qalib gələn güclü komandada idim. Ancaq "Napoli"yə qalib gəlmək getdikcə çətinləşdi. "Napoli"də beş təsirli il keçirdim və liqa titulunu qazandıqdan sonra ayrıldım, bunu izah etmək həqiqətən mümkün deyil", - deyə Elmas jurnalist Alfredo Pedullanın rəsmi saytından sitat gətirib.

Xatırladaq ki, İtaliya çempionatının 23 turundan sonra "Napoli" 35 xal toplayıb və hazırda 9-cu pillədə qərarlaşıb.

Elmas 2019-cu ildən "Napoli"də çıxış edir. Bu müddətdə 24 yaşlı futbolçu bütün yarışlarda 189 matçda iştirak edib, 19 qol vurub, 11 məhsuldar ötürmə edib.