"Heç bir təzyiq hiss etmirəm" - Tuxel

"Bavariya"nın baş məşqçisi Tomas Tuxel hazırda təzyiq altında olub-olmamağı ilə bağlı açıqlama verib.

90deqiqe.Az xəbər verir ki, alman çalışdırıcı təzyiq hiss etmədiyini bildirib.

“Xeyr, mən heç bir təzyiq hiss etmirəm. Təzyiq böyük bir imtiyazdır. Bu idman təzyiqidir. Heç vaxt fərqli olmayıb. Özünə güvənməlisən, özünü tənqid etməlisən. Səs nə qədər yüksəkdirsə və sözdə təzyiq nə qədər güclüdürsə, sakit qalmaq bir o qədər vacibdir”

Xatırladaq ki, Münhen klubunun rəhbərliyi komandanın nəticələrindən narazıdır. Bu səbəbdən "Bavariya" Tuçelin istefasını yayda nəzərdən keçirməyə hazırdır. Mümkün əvəzedici namizədlər arasında Yoahim Löv, Oliver Qlasner və Hans-Diter Flik var.

Tuxel 2023-cü ilin martından “Bavariya”da çıxış edir. Bu mövsüm 21 turdan sonra Münhen komandası lider Bayer Leverkuzendən 5 xal geri qalaraq turnir cədvəlində ikinci yerdədir.