2019-cu ildən bəri ilk dəfə bunu yaşadılar

Dünən Almaniya çempionatının 22-ci turunun matçında "Bavariya" səfərdə "Bohum"a uduzub. 

90deqiqe.Az-ın məlumatına görə, bu Münhen klubunun 2019-cu ilin dekabrından bəri ilk dəfə Bundesliqada ardıcıl ikinci məğlubiyyəti olub. Bundan əvvəl Tomas Tuxelin komandası "Bayer"ə uduzub (0:3).

Almaniya mətbuatında yayılan məlumata görə, "Bavariya" yeni baş məşqçi Zinəddin Zidanın xidmətində maraqlıdır və artıq onun nümayəndələri ilə əlaqə saxlayıb. Tuxel mütləq ya yaxın vaxtlarda, ya da mövsümün sonunda klubdan qovulacaq.

22 turdan sonra "Bavariya" 50 xalla Bundesliqada ikinci pillədə qərarlaşıb. Çempionata "Bayer" başçılıq edir (58 xal).

Növbəti oyunda “Bavariya” “Leypsiq”lə qarşılaşacaq. Görüş fevralın 24-də, Bakı  vaxtı ilə saat 21:30-da başlayacaq.