“Biz baş məşqçiyə cavabdehik”

Almaniya Bundesliqasının 23-cü turunun son matçında "Bavariya" evdə "Leypsiq"i 2:1 hesabı ilə məğlub edib.

90deqiqe.Az xəbər verir ki, sözügedən matçda dubla imza atan ingilis hücumçu Harri Keyn görüşlə bağlı fikirlərini bölüşüb.

“Etdiyimiz işi davam etdirməliyik. Bu oyunda qalib gəlmək xoş idi, amma mövsümün sonuna qədər işləməyə davam etməliyik. Son nəticələrdən sonra reaksiya verməli olduq. Klub və məşqçimiz qarşısında məsuliyyətimiz var, oturub baş verənlərə seyirci ola bilmərik”, – Keyn “Mundo Deportivo”ya istinadən xəbər verir.

Xatırladaq ki, "Bavariya" daha əvvəl komandanın baş məşqçisi Tomas Tuxelin cari mövsümün sonunda klubu tərk edəcəyini açıqlamışdı.

Almaniya çempionatının 23 turundan sonra "Bavariya" 53 xal toplayıb və lider "Bayer"dən 8 xal geri qalaraq ikinci pillədə qərarlaşıb.