Marko Roys "Borussiya Dortmund"u tərk edəcək

Hücumçu Marko Roys 2023/2024 mövsümünün sonunda "Borussiya Dortmund"u tərk etmək qərarına gəlib.

90deqiqe.Az “Foot Mercato”ya istinadən xəbər verir ki, tərəflər müqaviləni yeniləməyəcəklər. Marko azad agent olacaq.

Roysun artıq başqa variantları da var. Onunla MLS maraqlanır. Marko "Borussiya Qladbax"ın sıralarına da qayıda bilər.

Xatırladaq ki, Reus 2012-ci ildən "Borussiya"da çıxış edir. Bu müddət ərzində o, bütün turnirlərdə 411 matçda iştirak edib, 167 qol vurub, 124 məhsuldar ötürmə edib. Transfermarkt portalında verilən məlumata görə, futbolçunun bazar dəyəri 7 milyon avrodur. Alman oyunçu bu mövsüm 28 matçda iştirak edib, 6 qol vurub, 5 məhsuldar ötürmə edib.