Naqelsmann "Bavariya"ya qayıda bilər

"Bavariya"nın baş direktoru Yan-Kristian Driesen çalışdırıcı Julian Naqelsmannın kluba mümkün qayıdışı ilə bağlı sualı cavablandırıb.

90deqiqe.Az-ın məlumatına görə, o, alman çalışdırıcının qayıdışının istisna edilmədiyini bildirib.

“Naqelsmannın qayıdışı? Düşünürəm ki, başqaları artıq deyiblər ki, futbolda heç nəyi istisna etmək olmaz. Lakin bu, gələcəyin məsələsidir, bu günün mövzusu deyil”

Alman məşqçi 2023-cü ilin yazında Münhen klubundan qovulub - daha sonra onun yerini cari mövsümün sonunda postunu tərk edəcək Tomas Tuxel tutdu. Hazırda Almaniya millisinin baş məşqçisi olan Nagelsmann Avro-2024-ün sonunda, hazırkı müqaviləsi başa çatdıqdan sonra sərbəst buraxıla bilər.