"Onun qalacağına şübhə etmək üçün heç bir səbəb yoxdur"

"Bayer Leverkuzen"in baş direktoru Fernando Karro hesab edir ki, klub bu yay baş məşqçi Xabi Alonsonu saxlaya biləcək.

90deqiqe.Az-ın məlumatına görə, o, təcrübəli mütəxəssin qalacağına şübhə etmədiyini bildirib.

 “Xabi Alonsonun müqaviləsi 2026-cı ilə qədərdir və onun burada qalacağına şübhə etmək üçün heç bir əsas yoxdur. Futbolda nə olacağını heç vaxt dəqiq bilmirsən, amma mən ona tam güvənirəm, bizim əla münasibətimiz var”

İspan çalışdırıcı yeni məşqçi axtarışında olan bir sıra top-klubların, o cümlədən “Bavariya” və “Liverpul”un maraq dairəsindədir.

"Bayer" Bundesliqa turnir cədvəlinə başçılıq edir, bitməsinə səkkiz tur qalmış "Bavariya"nı on xal qabaqlayır.