"Bavariya onların gələcəi ilə bağlı qərarını verdi

"Bavariya"nın idman direktoru Maks Eberl komandanın yarımmüdafiəçisi Camal Musial və hücumçu Mathis Tele haqda danışıb.

90deqiqe.Az xəbər verir ki, o, sözügedən oyunçularla yeni müqavilənin imzalanması nəzərdə tutulduğunu bildirib.

"Onlar gələcəyin simalarıdır. Tarixə nəzər salsanız, komandamızda hər zaman son dərəcə böyük istedad və potensiala malik gənc futbolçular olub. Camal, Mathis və Aleks Pavloviçdə belədir. Mathis artıq müqaviləsini 2029-cu ilə qədər uzadıb və Camalla yeni müqavilə imzalamaq böyük məqsəddir, bizim üçün başqa variant ola bilməz. Gənc futbolçulara olan bu inam o demək deyil ki, biz təcrübəli futbolçulara dəyər vermirik. Onlar istedadlı futbolçuların bu yolla inkişafına kömək edirlər."