Keyn "Borussiya"ya qarşı oynayacaq?

"Bavariya"nın baş məşqçisi Tomas Tuxel Dortmund "Borussiya"sı ilə ev matçı ərəfəsində komandadakı heyətlə bağlı açıqlama verib.

90deqiqe.Az xəbər verir ki, alman çalışdırıcı 3 futbolçudan yararlana bilməyəcəklərini bildirib.

 “Manuel Noyer, Aleksandr Pavloviç və Rafael Qerreyro oynamayacaq. Sasha Boe bu həftə zədələndi. Bu oyunçuların dördü də oynamayacaq. Harri Keyn dünən komanda ilə tam məşq edib. O, özünü yaxşı hiss edir və oynayacaq”

Xatırladaq ki, Harri Keyn "Bavariya"nın son oyununda aldığı zədə səbəbindən İngiltərə ilə martda yoldaşlıq görüşlərini buraxmışdı.