- Almaniya B.L.
- 23:49 24.07.2024
Almaniya kubokunda finala yüksələn ikinci komandanın adına aydınlıq gəlib.
90deqiqe.az xəbər verir ki, “Bay Arena”da keçirilən görüşə gözlənildiyi kimi meydan sahibi “Bayer Leverkuzen” daha istəkli başlayıb.
Artıq 7-ci dəqiqədə hesab açılıb. Jeremi Frimpong adını tabloya yazdırıb. 20-ci dəqiqədə hesab arasındakı fərq 2 topa çatıb. Amin Adli uzaq küncü dəqiq nişan alıb. Fasiləyə qədər Leverkuzen təmsilçisi daha bir qol vurub. 35-ci dəqiqədə Florian Virtz qonaqları 3-cü dəfə məyus edib. İkinci yarıda bir qol qeydə alınıb. 60-cı dəqiqədə hakim əllə oyuna görə Düsseldorf klubunun qapısına penalti təyin edib. Nöqtəyə yaxınlaşan Virts dubl edərək komandasının 4-0 hesablı qələbəsində pay sahibi olub.
Qeyd edək ki, mayın 25-i “Bayer Leverkuzen”lə “Kayzerslatern” arasında oynanılacaq final matçı Berlindəki “Olimpiya” stadionunda keçiriləcək.