- Almaniya B.L.
- 22:26 06.09.2024
"Bavariya"nın sabiq hücumçusu Luka Toni Münhen klubunun sabiq baş məşqçisi Lui van Qal haqda açıqlama verib.
90deqiqe.Az-ın məlumatına görə, 46 yaşlı sabiq futbolçu niderlandlı çalışdırıcının qorxunc bir xarakterə sahib olduğunu bildirib.
“Onun qorxunc xarakteri və oyunçulara yanlış yanaşması var. O, yaxın ətrafı hollandiyalılar istisna olmaqla, hamıya diktator kimi davranır. Bir gün komandaya “sizdə mənim kimi cəsarətiniz yoxdur” deyib şalvarını çıxartdı. Amma onun böyük qarnı var idi, ona görə də biz onun "toplarını" görə bilmədik."
Xatırladaq ki, Toni 2007-2010-cu illərdə "Bavariya"nın futbolçusu olub. Bu müddət ərzində o, bütün turnirlərdə 89 matçda iştirak edib, 58 qol vurub, 25 məhsuldar ötürmə edib. Öz növbəsində hollandiyalı çalışdırıcı 2009-2011-ci illərdə Münhen klubunda bu vəzifədə çalışıb.