"Bavariya" çətin xarakterinə görə De Zerbinin namizədliyinə şübhə edir

"Bavariya" rəhbərliyi "Brayton"a başçılıq edən mütəxəssis Roberto De Zerbidən imtina edə bilər.

90deqiqe.Az-ın məlumatına görə, Münhen klubu italiyalı çalışdırıcını bu ilin sonunda Tomas Tuxelin istefasından sonra boşalacaq yeni baş məşqçisi postuna uyğun olduğuna əmin deyil.  Çünki De Zerbinin alman dilini bilməməsi, çətin xarakterə malik olması, həmçinin kluba böyük köməkçilər komandası gətirəcəyi "Bavariya"nın rəhbərlərinin xoşuna gəlmir.

Bununla belə, "Brayton"un De Zerbinin rəhbərliyi altında nümayiş etdirdiyi futbolun Münhen klubunun rəhbərliyinin bəyəndiyi vurğulanır. "Bavariya"nın idman direktoru Maks Eberl artıq 44 yaşlı mütəxəssislə əlaqə saxlayıb.