"Bavariya" Zidanın agenti ilə danışıqlara başladı

"Bavariya" fransalı mütəxəssis Zinəddin Zidanın agenti ilə mümkün müqavilə imzalanması ilə bağlı əlaqə saxlayıb.

90deqiqe.Az "Marca"ya istinadən xəbər verir ki,  Almaniya klubu onu komandanın baş məşqçisi postuna götürməyi düşünür. 

 Zinəddin Zidan Fransa milli futbol komandasından dəvət gözlədiyi üçün klublardan gələn təklifləri rədd edir. Məsələn, "Real Madrid"in sabiq çalışdırıcısı Fransa PSJ-nin təklifini rədd edib.

Zidanın İspaniyada həyatını qurduğu və bu ölkəni daimi olaraq tərk etmək istəmədiyi qeyd edilib. Fransa millisində işləmək onun Madriddə yaşamağa davam etməsinə, yalnız Fransa millisinin oyunlarına gedəndə şəhəri tərk etməsinə imkan verəcəkdi.

Xatırladaq ki, Tomas Tuxel daha əvvəl cari mövsümün sonunda bu postu tərk edəcəyini bildirmişdi.