Müller karyerasını başa vurur?

"Bavariya"nın hücumçusu Tomas Müller peşəkar futbolçu karyerasını başa vurmağa yaxındır.

90deqiqe.Az-ın məlumatına görə, 34 yaşlı alman futbolçu 2025-ci ilin yayında, Bayern ilə hazırkı əmək müqaviləsi başa çatdıqdan sonra karyerasını bitirməyi planlaşdırır. Bildirilir ki, "Bavariya" Müllerə uyğun mövqe təklif edərək onu klubda saxlamağa çalışacaq.

Tomas Müller 2009-cu ildən "Bavariya"da çıxış edir. Transfermarkt internet portalı futbolçunun dəyərini 10 milyon avro qiymətləndirir.

Almaniya millisinin üzvü kimi Müller 2014-cü il Dünya Çempionatının qalibi, 2010-cu il Dünya Çempionatının bürünc mükafatçısı, həmçinin iki dəfə - 2012 və 2016-cı illərdə Avropa çempionatında bürünc medal qazanıb.