"Bavariya" Ranqniklə razılaşmağa yaxındır

"Bavariya" və Ralf Ranqnik arasında danışıqlar davam edir.

90deqiqe.Az xəbər verir ki, bu barədə nüfuzlu insayder Fabrizio Romano  "X" sosial şəbəkəsində (keçmiş Twitter) yazıb.

O, Münhen klubunun Avstriya millisinin sükançısı ilə iş şəraitini müzakirə etdiyini, danışıqların konkret mərhələdə olduğunu qeyd edib. Tərəflər maaşla yanaşı layihə, uzunmüddətli planlar və transferlər (daxil olan və gedən) haqqında danışıqlar aparır.

Ralf "Bavariya"ya rəhbərlik edərsə, klub idarə heyəti ilə birlikdə qərarların qəbulunda iştirak edəcək. Bildiyiniz kimi, Tomas Tuxel mövsümün sonunda “Bavariya”da baş məşqçi postunu tərk edəcək.