"Keyn üçün rekord çətin olacaq"

"Barselona"nın hücumçusu Robert Levandovski "Bavariya"nın hücumçusu Harri Keynin cari mövsümdəki çıxışı ilə bağlı açıqlama verib.

90deqiqe.Az xəbər verir ki, təcrübəli forvard Keynin rekord vurmasının çətin olacağını bildirib.

“Əvvəla, Keyn “Bavariya”dakı ilk mövsümündə inanılmaz nəticələr əldə etdi. Bunu heç kim gözləmirdi. Rekorddan danışsaq, çox çətin olacaq. O, 3 matçda 6 qol vurmalıdır”, – Robert jurnalist Tobi Altşula müsahibəsində deyib.

Xatırladaq ki, Levandovski 2014-2022-ci illərdə "Bavariya"da çıxış edib. Polyak Münhen klubunun tarixində Gerd Müllerdən sonra ikinci bombardirdir.

İngilis futbolçunun Bundesliqada bu mövsümdə 35 qolu var. Futbolçu geridə qalan 3 turda daha 6 qol vursa, Almaniya çempionatının bir oyununda ən çox qol vuran Levandovskinin rekordunu təkrarlayacaq.