“Bavariya”nı çalışdırmaqdan niyə imtina etdiyini açıqladı

Avstriya millisinin baş məşqçisi Ralf Ranqnik “Bavariya”da işləməkdən niyə imtina etdiyini açıqlayıb.

90deqiqe.Az-ın məlumatına görə, 65 yaşlı çalışdırıcı bunun bir imtina olmadığı sadəcə daha çox diqqəti hazırkı komandaya və hədəflərə yönəltdiyi üçün bu qərarı verdiyini bildirib.

 “Avstriya millisindəki işimə bütün qəlbimlə yanaşıram. Çətinlikdən çox zövq alıram və seçdiyimiz yolu uğurla davam etdirmək əzmindəyəm. Aydın şəkildə vurğulamaq istərdim ki, bu, “Bavariya”dan imtina deyil, daha çox diqqəti hazırkı komandaya və hədəflərə yönəltmək qərarıdır. Biz bütün diqqətimizi Avropa çempionatına yönəltmişik. Mümkün qədər irəliləmək üçün əlimizdən gələni edəcəyik”, - deyə Ranqnik Avstriya millisinin rəsmi saytına açıqlamasında bildirib.

Mütəxəssis Tomas Tuçeli əvəzləmək üçün prioritet namizəddi, lakin rəhbərlik indi başqa məşqçi axtarmalı olacaq.