Xabi Alonsonun "Real"a gedəcəyi vaxt bilindi

"Bayer Leverkuzen" baş məşqçisi Xabi Alonsonun gedişinə hazırdır.

90deqiqe.Az "Relevo"ya istinadən xəbər verir ki, alman klubunun rəhbərliyi ispan mütəxəssisin gələn il "Real Madrid"də işləməyə gedəcəyinə inanır.

Mənbə vurğulayır ki, “kral” klubu da komandanın sükanı arxasında Karlo Ançelottinin yerinə çağırılacaq ispan mütəxəssisin gəlişini gözləyir. Eyni zamanda, italiyalının Los Blancos ilə müqaviləsi 2026-cı ilin yayına kimi nəzərdə tutulub. Ançelotti yaxşı çıxış etməyə davam edərsə, "Real Madrid" Alonsonun təyinatını gecikdirə bilər. Xabinin rəhbərliyi altında "Bayer" bu mövsüm Bundesliqa çempionu olub.