Hummelsdən gələcəyi ilə bağlı açıqlama

Dortmund "Borussiya"sının müdafiəçisi Mats Hummels gələcəyi ilə bağlı açıqlama verib.

90deqiqe.Az-ın məlumatına görə, 35 yaşlı futbolçu qarşısında üç seçimin olduğunu bildirib.

“Üç seçim var: “Borussiya”da qalmaq, futbolçu karyerasını bitirmək və ya yeni klub tapmaq. Hazırda futbolu tərk etmək istəmirəm, bu, ən az ehtimal olunan variantdır. MLS mənim üçün planlarım arasında deyil. Harasa köçsəm, yəqin ki, Avropada qalacam”

Xatırladaq ki, Hummels bu mövsüm bütün turnirlərdə 39 matçda iştirak edib və bu matçlarda dörd qol və bir məhsuldar ötürmə ilə yadda qalıb. Futbolçunun klubla müqaviləsi 2024-cü ilin iyulunda başa çatır.

Şənbə günü, iyunun 1-də Dortmund Çempionlar Liqasının finalında Uemblidə Real Madridlə qarşılaşacaq.