Tuxel yeni klub tapsa, "Bavariya" pula qənaət edəcək

"Bavariya" bir müddət əvvəl istefaya göndərilən Tomas Tuxelə təzminat ödəniləcək.

90deqiqe.Az xəbər verir ki, Münhen nəhəngi alman mütəxəssisin müqaviləsini vaxtından əvvəl ləğv etdiyi üçün ona 10 milyon avro təzminat ödəyəcək. Bu barədə "Bild" nəşri məlumat yayıb.

Bildirilir ki, təcrübəli məşqçi 2025-ci ilin iyununa qədər yeni komanda tapacağı təqdirdə bu məbləğin bir hissəsi ləğv oluna bilər.

Xatırladaq ki, Tuçelin rəhbərliyi altında “Bavariya” ötən mövsüm bir kubok qazanmadan uğursuzluğa düçar olmuşdu. Komandanın yeni baş məşqçisi belçikalı mütəxəssis Vinsent Kompani təyin olunub.