"Bavariya"nın futbolçusu bu yay klubu tərk edə bilər

"Bavariya"nın yarımmüdafiəçisi Coşua Kimmix bu yay klubu tərk edə bilər. 

90deqiqe.Az xəbər verir ki, bu haqda" Sky Sport" məlumat yayıb. Mənbənin sözlərinə görə, futbolçu Münhen klubundakı gələcəyi ilə bağlı qərarını Avropa çempionatı başa çatdıqdan sonra verəcək. Onun 2025-ci ildə başa çatacaq müqaviləsinin uzadılmasının hazırda mümkün olmadığı güman edilir.

Həmçinin bildirilir ki, “Bavariya” bu yay Kimmixi satmağa hazırdır. Futbolçunun özü də karyerasını davam etdirmək üçün yeni klub tapmaqda maraqlıdır.

Xatırladaq ki, Kimmix ötən mövsüm bütün turnirlərdə 45 matçda iştirak edib, 2 qol vurub, 11 məhsuldar ötürmə edib. Transfermarkt portalında futbolçunun bazar dəyəri 50 milyon avrodur.