Kroos Almaniyada ilin oyunçusu seçilib

Toni Kroos Almaniyada 2024-cü ilin ən yaxşı oyunçusu seçilib.

90deqiqe.Az xəbər verir ki, "Kicker"in idman jurnalistləri arasında keçirilən sorğuda Toni Kroos birinci olub.

"Real Madrid"in və Almaniya millisinin sabiq yarımmüdafiəçisi 285 səs toplayıb. İkinci yeri "Bayer"dən Florian Virtz tutub. “Əczaçılar”ın gənc ulduzu səsvermədə 246 səs toplayıb.

İlk üçlüyü səsvermədə 66 səs toplayan "Bayer"in digər oyunçusu, isveçrəli yarımmüdafiəçi Qranit Xaka tamamlayıb. İlin ən yaxşı məşqçisi  "Bayer"dən Xabi Alonso seçilib.

Xatırladaq ki, Xabi Alonsonun rəhbərlik etdiyi Leverkuzen komandası çempionluq titulunu qazanıb və mövsüm ərzində Bundesliqada heç vaxt uduzmayıb.