Kimmix "Bavariya" ilə yeni müqaviləni müzakirə etməyə hazırdır

Almaniyanın "Bavariya" klubunun yarımmüdafiəçisi Coşua Kimmix Münhen komandası ilə mümkün müqavilənin uzadılmasından danışıb.

90deqiqe.Az xəbər verir ki,  jurnalist Fabrizio Romano 29 yaşlı alman futbolçunun dediklərini belə çatdırıb:

"Münhen klubunun rəhbərləri ilə yeni müqaviləni müzakirə etməyə hazıram.İndi mən sadəcə anı həzz almağa və "Bavariya"ya oyunlarda qalib gəlməyə kömək etməyə çalışıram".

Xatırladaq ki, bu mövsüm Coşua Kimmix "Bavariya"nın heyətində Almaniya çempionatında 3 oyun keçirib. Futbolçunun Münhen klubu ilə hazırkı müqaviləsi 2025-ci ilin iyununa qədərdir. Mətbuatda “Barselona” və “Mançester Siti”nin Kimmixi almaq istəməsi ilə bağlı xəbərlər yayılmışdı.