Emreli debüt etdi, komandası uduzdu

Azərbaycan millisinin futbolçusu Mahir Emreli “Nürnberq”in heyətində Almaniya II Bundesliqasında debüt edib.

90deqiqe.Az xəbər verir ki, 28 yaşlı hücumçu VI turun “Herta” (Berlin) ilə ev matçının 39-cu dəqiqəsində sıradan çıxan Benyamin Qollerin əvəzinə meydana buraxılıb. 

Dəyişikliklərə baxmayaraq Emrelinin komandası meydandan məğlub ayrılıb - 0:2.

Qeyd edək ki, bu görüşdən sonra “Nürnberq” 7 xalla 11-ci, "Herta" isə 10 xalla 7-ci pillədə qərarlaşıb.

Əlavə edək ki, Mahir Emreli II Bundesliqa təmsilçisi ilə 1 illik müqavilə imzalayıb və sözləşməsinin müddəti mövsümün sonunda artırıla bilər.