"Bavariya"dan Müller və Noyerin gələcəyi ilə bağlı açıqlama

"Bavariya"nın idman direktoru Kristo Freund 35 yaşlı hücumameyilli yarımmüdafiəçi Tomas Müller və 38 yaşlı qapıçı Manuel Noyerin klubdakı gələcəyindən danışıb. 

90deqiqe.Az xəbər verir ki, “Sport Bild” Freundun dediklərini belə çatdırıb:

“Manu və Tomas haqqında çox danışmağın mənası yoxdur. Biz onlarla səmərəli danışıqlar aparırıq. Hazırda həqiqətən yaxşı formadadırlar. Manu və Tomas mövsümə yaxşı başladılar, onların komandada olması əladır. Önümüzdəki həftələr və aylar ərzində onlarla planlarının nə olduğu və klubdakı rollarını necə gördükləri barədə sakit söhbət edəcəyik."Bavariya" bilir ki, bizdə bu oyunçular var və onlar da "Bavariya"nın olduğunu bilirlər".

Hər iki futbolçunun müqaviləsi 2025-ci ilin yayında başa çatır.