Müller Bundesliqadakı rekordlarını şərh edib

"Bavariya"nın hücumçusu Tomas Müller Bundesliqada hamıdan çox oyun keçirmiş oyunçu olmağın necə bir şey olduğunu açıqlayıb.

90deqiqe.Az xəbər verir ki, alman futbolçu belə bir şey olacağını gözləmədiyini bildirib.

— Siz Bundesliqada bir çox rekordlar qırmısınız və hazırda tarixdə hamıdan çox "Bavariya"üçün daha çox oyun keçirmisiniz. Belə zirvələrə çatmaq necə hissdir?

"Bu, yaxşı hissdir və zəhmətimin mükafatıdır.Bunu gözləmirdim - karyerama başlayanda 15 illik karyeramın ən yüksək səviyyədə olacağını düşünmürdüm və bu yolda hər addımımı planlaşdıra bilmirəm. Geriyə baxanda şadam ki, bu səviyyədə uzun müddət qala bildim, çünki bunun üçün nə qədər iş getdiyini bilirəm. Bununla belə, sakit oturub bu barədə düşünə bilsəm də, bu, nə sabah, nə də növbəti məşqdə mənə kömək etməyəcək”, – Bundesliqanın rəsmi saytı Müllerin sözlərindən sitat gətirir.

Futbolçunun hazırkı klubu ilə hazırkı əmək müqaviləsi 2025-ci ilin yayına kimi nəzərdə tutulub. Transfermarkt internet portalında verilən məlumata görə, 35 yaşlı futbolçunun bazar dəyəri 8 milyon avrodur.