Ten Haq Bundesliqa klubunu çalışdıra bilər

"Leypsiq" klubu baş məşqçisi Marko Rouzla yollarını ayıra bilər.

90deqiqe.Az xəbər verir ki, bu barədə jurnalist Patrik Berger "X" sosial şəbəkəsində (keçmiş Twitter) yazıb. 

O Rouzun istefaya göndəriləcəyi təqdirdə klubun baş məşqçisi postuna namizədlərdən birinin hazırda işsiz olan “Mançester Yunayted”in sabiq baş məşqçisi Erik ten Haq olduğunu qeyd edib.

"Leypsiq" Almaniya çempionatının turnir cədvəlində dördüncü pillədə qərarlaşıb. Çempionlar Liqasında vəziyyət daha pisdir, alman klubu beş matçda sıfır xal toplayıb və turnir cədvəlinin sonuncu pilləsində qərarlaşıb.

Dekabrın 4-də Almaniya kubokunun 1/8 finalında "Leypsiq" öz meydanında "Ayntraxt Frankfurt"u qəbul edəcək.