Qoretska gələcəyi ilə bağlı qərar verib

Yarımmüdafiəçi Leon Qoretska qış transfer pəncərəsində "Bavariya"nı tərk etməyəcək.

90deqiqe.Az xəbər verir ki, təcrübəli futbolçu “Bavariya”da qalıb mövsümü klubla başa vurmağa qərar verib.

29 yaşlı futbolçu yüksək motivasiyaya malikdir və Münhenin baş məşqçisi Vinsent Kompani tərəfindən dəyərləndirilməkdə davam edir.

Qoretska ilə “Mançester Yunayted”, “Tottenhem” və “Napoli” kimi klublar maraqlanır. Bununla belə, Leon "Bavariya"da oynamağa davam edəcək.

Leon Qoretskanın Bayern ilə hazırkı müqaviləsi 2026-cı ilin ortalarına qədərdir. Nüfuzlu Transfermarkt portalının mütəxəssisləri futbolçunu 22 milyon avro dəyərində qiymətləndirirlər.