"Bavariya"nın prezidenti Virtsin transferi ilə bağlı danışdı

"Bavariya"nın prezidenti Herbert Hayner klubun "Bayer Leverkuzen"in hücumçusu Florian Virtslə maraqlanmasından danışıb.

90deqiqe.Az xəbər verir ki, jurnalist Fabrizio Romano funksionerin dediklərini belə çatdırıb.

“Uli Hönessin dediyi kimi, yuxu görməyin heç bir zərəri yoxdur. Mən onunla tamamilə razıyam.Lakin Virtsin "Bayer" ilə etibarlı müqaviləsi var."

Bu mövsüm Virts bütün turnirlərdə 34 oyun keçirib, 15 qol vurub və 12 məhsuldar ötürmə edib. Onun klubla hazırkı müqaviləsi 30 iyun 2027-ci ilə qədərdir. 21 yaşlı forvardın transfer dəyəri 140 milyon avrodur. Virts ötən mövsüm "Bayer"in tərkibində Almaniya çempionu olub.