"Bu, qətiyyən final deyil" - Xabi Alonso

"Bayer Leverkuzen"in baş məşqçisi Xabi Alonso Bundesliqada "Bavariya" ilə ev oyunu öncəsi fikirlərini bölüşüb.

90deqiqe.Az xəbər verir ki, "Bayern & Germany" təcrübəli çalışdırıcının dediklərini belə çatdırıb.

"Bu oyun həlledici olacaqmı? Xeyr, olmayacaq. Təbii ki, üzbəüz görüşdən sonra fərqin nə qədər olacağı önəmlidir, lakin bu, qətiyyən final deyil. Ötən mövsüm 3-0 qalibiyyət? Bu, tamamilə fərqli Bayerndir, komanda indi yaxşı işləyir – bir çox rəqibi məhv edir, çoxlu şanslar yaradır və az qol buraxır.Müdafiədə çətin anlar yaşayacağıq, lakin biz öz oyunumuzu oynamaq və düzgün tarazlığı tapmaq istəyirik" 

Görüş şənbə günü baş tutacaq və onun Bakı vaxtı ilə saat 21:30-da başlaması planlaşdırılır. Hazırda - 21 turdan sonra Münhen komandası hazırkı çempionu səkkiz xal qabaqlayır.